Presidentja e vendit, Vjosa Osmani po merr pjesë në disa aktivitete në kudër të Asamblesë Parlamentare të NATO-s në SHBA.

Me anë të një postimi në Facebook, Osmani bëri të ditur se sot ka pasur nderin të jetë folëse në panelin për integrim euroatlantik të Kosovës dhe paqen e sigurinë në Ballkanin Perëndimor, përcjell Arbresh.info.

“Në vazhdën e aktiviteteve në sesionin e Asamblesë Parlamentare të NATO-s në SHBA, sot pata nderin të jem folëse në panelin për integrimin euroatlantik të Kosovës dhe paqen e sigurinë në Ballkanin Perëndimor. Reformat tona dhe investimi në fushën e mbrojtjes dhe sigurisë po e pozicionojnë Kosovën si partnere mes vendeve që ndajnë të njëjtat vlera të lirisë dhe sigurisë”, ka shkruar Osmani.

“Me mbështetjen e aleatit tonë strategjik, Shteteve të Bashkuara të Amerikës, si dhe aleatëve të tjerë, po forcojmë themelet e një rajoni më të sigurt, më të qëndrueshëm dhe të përkushtuar ndaj vlerave demokratike”, tha Osmani./Arbresh.info